بتحلم بأيه

كل المصريين عندهم أحلام كتير لبلدهم ، علشان كده عملنا الصفحة دى بهدف تجميع وربط أحلام المصريين لبلدهم . أنت بتتمنى ايه لمصر المستقبل ...؟ ، ده السؤال المطلوب مننا نجاوب عليه فى صفحة بتحلم بأيه .

- بنحلم أن دخل المصرى يكفيه ويفيض منه جزء بيدخره للمستقبل 
- كلنا بنشتغل ومفيش بطالة 
- العيش بييجى لحد البيت من غير ما نقف فى طابور طويل لساعات
- المواصلات سهلة ومش زحمة وأسعارها مناسبة 
- الشوارع كويسة ومش فيها مطبات كتير ورغم الزحام فيها نظام وكل واحد عارف إنها ملكه علشان كده بيحافظ عليها 
- علاقة مصر مع الدول العربية علاقة مبيهزهاش ماتش كورة ولا حوارات إعلامية تافهة 
- مصر عندها إكتفاء ذاتى من السلع الأساسية وعندها فائض بيتم تصديره لكل الدنيا 
- بنحلم بمصر نظيفة ومفيهاش مشكلة فى الزبالة وبتستفيد من إعادة تدويرها 
- المصرى بيروح أى متحف أو بيزور أثار بلده بدون ميتعامل على أنه غريب
- مصر معندهاش مشكلة فى الميه علشان قدرت ترتبط بدول تانية حوليها وليها تاريخ كبير معاهم
- مصر مش بتفرق بين ولادها لأنهم كلهم مصريين
- المدارس كتيرة وفى كل مكان والفصول مفيهاش 50 طالب
- بنعلم أولادنا صح ومش بنحتاج ندفع نص مرتباتنا للدورس الخصوصية
- بنحلم بوطن بيضم كل مصرى ويحس بيه

يا ترى انت بتحلم بأيه ...؟ لو أنت مصرى بجد .... شاركنا الحلم.
new